Quai faschain nus
Cevimil – engaschà en il servetsch militar
Il Servetsch militar da la Cevi, sco quai ch’el sa numna dapi il 1998, è oz ina fundaziun e lavura cun ils trais accents cussegliaziun, temp liber e litteratura. El sa chapescha sco organisaziun cristiana-diaconica.
Il Cevimil porscha cussegliaziuns independentas en tut las dumondas dal servetsch militar, tranter auter sur la hotline da telefon 044 420 00 44. Temas da cussegliaziun èn t.a. dumondas finanzialas, problems psichics, surpretensiun, suspensiun dal servetsch militar, dumondas davart la recrutaziun, la scola da recrut ed il servetsch civil. – En cas da problems persunals en connex cun il servetsch militar essan nus Voss partenari da contact.
Il Cevimil metta a disposiziun a las persunas che prestan servetsch militar meds adattads per il temp liber (p.ex. chasas dals schuldads, locals da temp liber, stanzas da silenzi, palpiri da scriver, gieus).
Il Cevimil sustegna l’assistenza spirituala da l’armada cun litteratura en trais linguas naziunalas (p.ex. cudeschets da devoziun, Biblas ed auters texts religius da basa).
Nus purschain er in servetsch da revistas.
Ultra dals products stampads sviluppain nus en l’avegnir era purschidas digitalas.
En collavuraziun cun il servetsch social da l’armada organisain nus la logistica da la laschiva per las recrutas ed ils recruts.
La gruppa en mira definida cleramain e la structura organisatorica simpla ans permettan da reagir a moda svelta e flexibla sin dumondas da servetschs existents e novs.
Adressa
Cevi Militär Service
Forchstrasse 58 Postfach
8032 Zürich
Cevi Militär Service
Forchstrasse 58 / Postfach
8032 Zürich